მწვანე მომავალი: ახალგაზრდების მიერ წარმართული გარემოსდაცვითი წარმატებების ისტორიები

ჩვენი მიმდინარე მისიის ფარგლებში, ხელი შევუწყოთ გარემოსდაცვით პასუხისმგებლობას და გავაძლიეროთ ახალგაზრდა ეკო-ინფლუენსერები, მოხარულნი ვართ გაგიზიაროთ ჩვენს საუკეთესო პრაქტიკების ბაზაში დამატებული სიახლეები. ეს რესურსი ინსპირაციის წყაროდ იქცა, რადგან აერთიანებს ისტორიებს, ვიდეოებსა და პრაქტიკულ რეკომენდაციებს პარტნიორ ქვეყნებში განხორციელებული ახალგაზრდული გარემოსდაცვითი ინიციატივებიდან. ეს ნარატივები არა მხოლოდ მოტივაციას გვაძლევს, არამედ გვასწავლის, რამდენად მნიშვნელოვან როლს თამაშობენ ახალგაზრდები ჩვენი პლანეტის დაცვასა და შენარჩუნებაში.

ქართველი ახალგაზრდა ეკო-ინფლუენსერები ყურადღების ცენტრში

ჩვენი მონაცემთა ბაზა სავსეა ახალგაზრდა ადამიანების ისტორიებით, რომლებიც გარემოზე მნიშვნელოვან გავლენას ახდენენ. მაგალითად, მარიამი, 16 წლის პასუხისმგებლიანი მოზარდი საქართველოდან, რომელიც ყოველდღე, ამინდის მიუხედავად, ველოსიპედით მიდის სკოლაში. მისი ერთგულება გამონაბოლქვის შემცირების მიმართ ნათელი დასტურია იმისა, რომ მცირე, მაგრამ თანმიმდევრული ქმედებები საშუალებას გვაძლევს, შევქმნათ უფრო ჯანსაღი გარემო. ანალოგიურად, სალომე ციკვაძემ, სოციალური საწარმო „Shh“-ის დამფუძნებელმა, შექმნა ინოვაციური სენსორულ სამაგიდო თამაში „One in One“, რომელიც ეკო-მეგობრულ გასართობ ვარიანტს გვთავაზობს და აერთიანებს მდგრადობასა და შემოქმედებას. სვანეთის თვალწარმტაც რეგიონში ირინამ და ახალგაზრდა ადამიანების ჯგუფმა წამოიწყეს კამპანია ფოთლების დაწვის მავნე პრაქტიკის აღმოსაფხვრელად. მათი ძალისხმევა გვახსენებს, როგორი მნიშვნელოვანი გავლენა შეიძლება ჰქონდეს ადგილობრივ ინიციატივებს გარემოსთვის ზიანის მიყენების პრევენციაზე.

თემის ძალისხმევით განხორციელებული ინიციატივები ლიეტუვაში

ჩვენს მონაცემთა ბაზაში გამორჩეულ ინიციატივებს შორის ერთ-ერთი მნიშვნელოვანი მაგალითია River Cleanup პროექტი - თემის ძალისხმევა, რომელიც მიზნად ისახავს მდინარეებისა და წყლის არხების აღდგენა-გაჯანსაღებას. ინიციატივა სრულად მოხალისეებზეა დაფუძნებული: ისინი ერთიანდებიან, რათა გაასუფთაონ გარემო ნაგვისგან, ნარჩენებისა და დამაბინძურებელი ნივთიერებებისგან, რითაც მნიშვნელოვნად აუმჯობესებენ წყალმცენარეების საცხოვრებელ გარემოსა და წყლის ხარისხს.

კიდევ ერთი შთამაგონებელი ინიციატივაა ქალაქებში ეკო-ბაღების შექმნა - სათემო პროექტები, რომლებიც ურბანულ სივრცეებს გარდაქმნის მწვანე ოაზისებად, სადაც ადგილობრივებს შეუძლიათ, ჩაერთონ მდგრად მებაღეობაში.

ინოვაციები მდგრად მოდასა და პროდუქციაში საბერძნეთსა და ხორვატიაში

ჩვენი მონაცემთა ბაზა ასევე წარმოაჩენს მდგრად მოდაზე მუშაობის მნიშვნელოვან მაგალითებს. HEEL Athens Lab, ინოვაციური მოდის წამყვანი ბრენდი საბერძნეთიდან, უკვე ორი ათწლეულია, მოწინავე ბრენდია მდგრადობაში, გადამუშავებასა და ეთიკურ წარმოებაში. მათი ერთგულება სერტიფიცირებული ნედლეულის გამოყენებისა და მთლიანად ადგილობრივი წარმოების შენარჩუნების მიმართ უზრუნველყოფს, რომ მათი წარმოება იყოს მაღალი ხარისხის და ამავდროულად, ეთიკური. ანალოგიურად, ბრენდი Earthbound (MIRET), რომელმაც შექმნა მსოფლიოში პირველი 97%-ით ეკოლოგიურად სუფთა სპორტული ფეხსაცმელი, ეკო-მეგობრულ მოდაში გზას უხსნის ინოვაციას. 2009 წელს ორი ძმის მიერ დაარსებული MIRET-ის ფეხსაცმელი ქიმიკატების გარეშე მზადდება და იყენებს მცენარეულ მედეგობას სუნისა და ბაქტერიების მიმართ, რითაც ქმნის ახალ სტანდარტს მდგრადი ფეხსაცმლის შექმნის მიმართულებით. გარდა ამისა, წარმოგიდგენთ Humana Nova-ს, სოციალურ პასუხისმგებლობაზე ორიენტირებულ კომპანიას, რომელიც ქსოვილის ნარჩენების შეგროვებასა და გადამუშავებაზე მუშაობს. 2011 წელს დაარსებული Humana Nova აგროვებს ქსოვილის ნარჩენებს და გარდაქმნის მათ ახალ, სასარგებლო პროდუქტებად, რაც აჩვენებს, თუ როგორ შეიძლება ინოვაციური მიდგომებითა და სოციალური პასუხისმგებლობის დაცვით შევამციროთ ნეგატიური გავლენა გარემოზე.

ეს სიახლეები ჩვენი საუკეთესო პრაქტიკების ბაზიდან არა მხოლოდ წარმოაჩენს ახალგაზრდული ეკოინფლუენსერებისა და მდგრადი საწარმოების საოცარ საქმიანობას, არამედ არის ინსპირაციის წყარო ყველასთვის, ვისაც სურს ცვლილების მოტანა. გირჩევთ, უფრო ღრმად გაეცნოთ ამ ისტორიებს და დაფიქრდეთ, როგორ შეგიძლიათ თქვენი წვლილი შეიტანოთ უფრო მდგრადი მომავლის შექმნაში.

2024 წლის ნოემბერში თითოეული პარტნიორი ქვეყნის 3 ახალგაზრდა პირი 2 ახალგაზრდული მუშაკის თანხლებით დაესწრება ტრენინგს საქართველოში, სადაც გამოყენებული იქნება „გაზეთის თეატრის“ მეთოდი ახალგაზრდებში ეკოლოგიური ცნობიერების ასამაღლებლად.

თვალი გვადევნეთ მეტი ინფორმაციისათვის!