თქვენი როლი გარემოში: როგორ ქმნის მცირე ქმედებები დიდ შედეგს

მე-3 ვებინარში, „გარემოს კვლევა“ რონია კარკინენი - მოხალისე და სკოლისთან თანამშრომლობის კოორდინატორი და ინგა ბლომკვისტი - ოფიციალური გარემოსდაცვითი მეგზური, ატარებენ შემეცნებით სესიას ყოველდღიური გარემოს გაგებისა და მასზე გავლენის მოხდენის შესახებ. სესია ფართოდ წარმოაჩენს გარემოს კონცეფციას, რომელიც მოიცავს არა მხოლოდ ფიზიკურ და სოციალურ სივრცეებს, არამედ ციფრულ გარემოსაც, განსაკუთრებით სოციალურ მედია პლატფორმებს, სადაც ხშირად მიმდინარეობს მნიშვნელოვანი გარემოსდაცვითი დიალოგი.

რონია და ინგა ხსნიან, რომ ჩვენი არჩევანი, რამდენად მცირეც არ უნდა იყოს, ახდენს გავლენას ჩვენს უშუალო გარემოსა თუ მსოფლიოზე. ყოველდღიურ ქმედებებზე დაკვირვებით მონაწილეები სწავლობენ, როგორ შეუძლიათ მათი პირადი ჩვევებითა და გადაწყვეტილებებით ხელი შეუწყონ გარემოს ჯანმრთელობასა და მდგრადობას. ფასილიტატორები ხაზს უსვამენ, რომ თითოეულ ადამიანს შეუძლია წვლილი შეიტანოს ჯანსაღი გარემოს შექმნაში, იქნება ეს მდგრადი ცხოვრების წესის დაცვით, სოციალურ წრეებში “მწვანე” ჩვევების განვითარებითა თუ გარემოსდაცვითი ცნობიერების ონლაინ პოპულარიზაციით.

ამ სესიის მნიშვნელოვანი ნაწილი რონიასა და ინგას მიერ შემოთავაზებული პრაქტიკული რჩევებია. სკოლის ან სამსახურის „მწვანე სივრცეებად“ გარდაქმნიდან დაწყებული, გარემოსდაცვითი ცნობიერების გასაძლიერებლად სოციალური მედიის გამოყენებით დამთავრებული, ეს სტრატეგიები პრაქტიკული და რეალურად განხორციელებადია. ვებინარის ბოლოს ფასილიტატორები მონაწილეები წახალისებენ, რომ ეს ნაბიჯები თავიანთ გარემოშიც გადადგან და მოიპოვონ თავდაჯერებულობა ბუნებრივ, სოციალურ და ციფრულ სივრცეში პოზიტიური ცვლილებების შექმნაში.

ეს შთამაგონებელი სესია გვახსენებს, რომ გარემოსდაცვითი მოქმედება ყოველთვის შესაძლებელია და რეალური შედეგი მოაქვს მიუხედავად იმისა, თუ საიდან ვიწყებთ. საზოგადოებრივი ძალისხმევის და პირადი ვალდებულების საშუალებით, ყველას შეგვიძლია შევქმნათ ჯანსაღი სამყარო.

ჯერ არ გინახავთ? ჩანაწერი ხელმისაწვდომია აქ: https://youtu.be/E9sfXAfhkA8

წინა ვებინარები ლიდერობასა და მოტივაციაზე შეგიძლიათ ნახოთ აქ:

https://www.projecteco4eco.com/s-projects-side-by-side